7 këshilla se si fëmija të ndaloi të thith gishtin

Në këtë artikull do ju sugjerojmë 7 këshilla se si fëmija të ndaloi të thith gishtin. Thithja e gishtit nga foshnjat dhe nga fëmijët deri në moshën 3 vjeç konsiderohet si diçka fiziologjike. Pra siç e kemi shpjeguar edhe tek artikulli, fëmija thith gishtin; Pasojat që mund të ketë, shpjeguam se pasojat janë të mëdha dhe serioze. Prandaj si prindër është i justifikuar shqetësimi që mund të keni nëse fëmija vazhdon të thith gishtin pasi ka kaluar këtë moshë.

7 këshilla se si fëmija të ndaloi të thith gishtin

 Megjithëse për fëmijën mund të jetë qetësuese një gjë e tillë, nuk është aspak kështu për shëndetin e fëmijës. Mjerisht nuk ka ndonjë metodë konkrete për t’ia ndaluar fëmijës të thith gishtin. Gjithsesi ekzistojnë disa këshilla dhe sugjerime për ta ndihmuar fëmijën të mos e mbaj gishtin në gojë.

Nga hulumtimet që bëmë gjetëm 7 këshilla se si fëmija të ndaloi të thith gishtin. Këshillat jepen nga Akademia Amerikane e Pediatrisë.

1. Si fillim ndërprisni çdo sjellje që mendoni se e streson fëmijën tuaj. Pasi si e kemi referuar, një nga arsyet kryesore pse fëmijët thithin gishtin është se i qetëson kur janë të stresuar. Sa më i qetë të jetë fëmija aq më të lehtë do e ketë të mos e fusë gishtin në gojë.
2. Për t’i hequr vëmendjen, sugjerojini ndonjë lojë. Për shembull, një kukull të butë, një pecetë ose një batanije. Nëse është çun një makinë ose diçka tjetër që ka qejf. Pra, diçka që ta mbajë në dorë për ta qetësuar.
3. Përdorni disa shpërblime të mira për të shmangur thithjen e gishtit. Mund t’i jepni fëmijës diçka që qejf kur e shikoni që nuk e futë gishtin në gojë. Por bëjani të ditur që këtë po e merr si shpërblim që nuk thithi gishtin.
4. Krijoni rutina të tjera për gjumë, për t’u qetësuar para se të flejë dhe të mos nevojitet të thithi gishtin. Për shembull, jepini një gotë qumësht të ngrohtë për të pirë para se të flejë ose diçka tjetër që e qetëson. Ose bëjini një banjë të ngrohtë. Nëse vë gishtin në gojë, ndërsa fle, hiqjani lehtë pa e zgjuar.
5. Kërkoni ndihmën e ndonjë dentisti pediatrik. Dentisti pediatrik mund t’iu japë disa këshilla por do i flasë edhe vetë fëmijës. Shpesh herë kjo gjë ka rezultate të mira. Pasi nëse fëmija e vazhdon thithjen e gishtit deri në moshën 3-4 vjeçe, mund të shkaktojë probleme serioze ortodontiste.
6. Bisedoni me fëmijën tuaj dhe mundohuni të arsyetoni duke i shpjeguar se përse nuk duhet të thithi gishtin. Por nëse vëreni se ndjen frikë ose stres me idenë se duhet të ndalojë, atëherë mos i bëni presion më shumë.
7. Mundohuni të shmangni ndëshkimin si metodë edukimi. Mos i bërtisni, mos i flisni ashpër dhe mos e tallni fëmijën tuaj. Mos harroni se fëmija duhet të kuptoj se e doni vërtetë dhe doni më të mirën për të.

Këto pra ishin 7 këshilla se si fëmija të ndaloi të thith gishtin. Kuptohet, si e thamë edhe më lart për prindërit është një punë shumë e vështirë. Por nëse punoni fortë me fëmijën tuaj do të korrni rezultate të mira. Po ju çfarë metode keni përdorur për ta ndaluar fëmijën të thith gishtin? /Site Luka