Eriberto Laskano një prej themeluesve të kartelit Los Zetas, i njohur ndryshe dhe “ekzekutuesi” u vra dy ditë më parë në një konflikt me armë me marinsat meksikanë në Koa/Uila, jo larg kufirit me Teksasin.
Pas një konflikti të armatosur me granata dhe kallashnikovë, u vra bosi i narkotrafikut, për kokën e të cilit Shtetet e Bashkuara dhe Meksika kishin vënë 7.5 milionë dollarë.
Të martën, autoritetet mundën të konfirmojnë identitetin e bosit nga gjurmët e gishtërinjve. Por ngjarja mori një tjetër zhvillim të papritur.
Një grup i armatosur ka hyrë në morg dhe rrëmbyer trupin e tij. Laskano, ish-pjesëtar i forcave speciale krijoi një grup që rekrutonte ushtarë. Për shumë vite, Los Zetas përfaqësonin krahun e armatosur të Kartelit të Gjirit; vrisnin, vendosnin kontrollin e tyre kudo. Por kjo nuk vazhdoi gjatë dhe banda u bë autonome, duke ndërmarrë një luftë të ashpër kundër rivalëve.
Laskano ishte në garë me Migel Trevino Morales, i njohur Seta Kuerenta Z40, emri i kreut të bandës i konsideruar si më barbari.
Gjatë gjashtë viteve të presidencës së Felipe Calderon në Meksikë, mbi 50 mijë persona kanë humbur jetën në konfliktet mes karteleve kundërshtare të drogës.
Burimi: Top-Channel
Lehtësimi i masave pas karantinës për koronavirus covid-19. Me sa duket koronavirus covid-19 erdhi për…
Tashme koronavirusi është një kërcënim serioz edhe për Shqipërinë. Urojmë që virusi të mos infektojë…
Mjerisht sot u njoftua se shfaqet simptoma e parë e Koronavirusi edhe në Greqi. Simptoma…
Nga dita e djeshme (30 Janar) Greqia është në gjendje alarmi në lidhje me koronavirusin.…
Koronavirusi (coronavirus) është bërë makthi i gjithë botës. Koronavirusi është sëmundja më e re e…
Një shprehje në shqip është: Shi me sy dhe plasë me zemër. Dhe sa e…
